TamerHosny Fans Club

اهلا بكم فى منتديات ورابطة عشاق الفنان تامر حسنى انت الان زائر ولا تتمكن من اضافة مسهامات او مواضيع جديده او الاتطلاع على بعض المواضيع قم الان بتسجيل الدخول او التسجيل اذا كنت لا تملك عضويه فى المنتدى نتمنى لكم قضاء وقت ممتع فى المنتدى والاستمتاع به (اذا كنت تريد اضافة اى تعديلات او اضافات للمنتدى اتصل بنا عن طريق فريق ادارة المنتدى )
TamerHosny Fans Club

tamerhosny,tamerlovers,tamerhosnyfansclub


مانيكير وباديكير في البيت

شاطر
avatar
Tito
مشرف
مشرف

ذكر
المشاركات : 1793
العمر : 27
الدولة : لا يوجد
رقم العضويه : 172
الرتبة : مش عارف
التقييمات : 7
تاريخ التسجيل : 29/08/2007

مانيكير وباديكير في البيت

مُساهمة من طرف Tito في الأحد 9 أغسطس - 7:30

بنات كتير بيشتكوا من إنهم بيضيعوا وقت كتيييييييير أوي عند الكوافير في عمل المانيكير والباديكير ده، غير الفلوس اللي بيدفعوها كل مرة، واللي ممكن بمنتهى البساطة يوفروها خالص.........
طبعاً عاوزين تعرفوا إزاي..

كل الحكاية هو أنكم تتعلموا إزاي تعملوا المانيكير والباديكير في البيت..
وده اللي هنعرفه حالاً



يلا استعدي بقى كويس، حضري الحاجات اللي في الصفحة دي، ولو مش عندك اشتريها، وعلشان نريّحك ع الآخر جايبنها ليكِ بالصور علشان لا تلفي ولا تحتاري، وجايبين ليكِ أدوات الباديكير والمانيكير مرة واحدة، وتعريف بكل أداة.
الأدوات اللي محتاجاها

الموس
[ندعوك للتسجيل في المنتدى أو التعريف بنفسك لمعاينة هذه الصورة]

وده بيستخدم لإزالة الجلد الميت في الكعبين. وخلّي بالك إن كل مرة لازم تستعملي موس جديد، واطمني يا ستي بيتباع هو والموس بتاعه في جميع محلات الخرداوات والصيدليات كمان. نصيحة: حاولي ماتبدئيش بالموس غير لما تتدربي كويس عليه، ده غير إنه –أينعم- بيشيل الجلد الميت؛ بس بعد فترة الجلد الميت ده بيطلع تاني. مش محتاجين نقول لك إن الموس بيعور.. لو حصل كده -بعد الشر- لازم تحاولي توقفي الدم بسرعة وتطهري المنطقة دي كويس. وأخيراً لازم تعرفي إنه ممنوع استخدامه لمرضى السكر والضغط وسيولة الدم.
الفرشة
[ندعوك للتسجيل في المنتدى أو التعريف بنفسك لمعاينة هذه الصورة]

ودي بتستخدميها للتنظيف علشان تشيلي الحاجات اللي بتتجمع تحت الأظافر..
مبرد الأظافر

[ندعوك للتسجيل في المنتدى أو التعريف بنفسك لمعاينة هذه الصورة]

وده طبعا لبرد أظافر القدمين واليدين، وطبعاً الأحسن يكون من الخشب..
سنفرة الجلد
[ندعوك للتسجيل في المنتدى أو التعريف بنفسك لمعاينة هذه الصورة]

وده بيستعمل لتنعيم القدمين..
مبشرة

[ندعوك للتسجيل في المنتدى أو التعريف بنفسك لمعاينة هذه الصورة]

ودي لإزالة الجلد الميت زيها زي الموس، وممكن اللي ممنوع عليهم استخدام الموس يستخدموا المبشرة.
عود البرتقال
[ندعوك للتسجيل في المنتدى أو التعريف بنفسك لمعاينة هذه الصورة]

هو اسمه كده.. عامل زي خلة الأسنان بس أعرض، وده بتستخدميه علشان ترجعي جلد الأظافر لورا، علشان تتغسل كويس وتقدري تحطي عليها المانيكير.
قصافة+ مقص= 2 ×1

[ندعوك للتسجيل في المنتدى أو التعريف بنفسك لمعاينة هذه الصورة]

ودي قصافة للأظافر ومقص في نفس الوقت.. هي شكلها طبعاً مختلف لأن بيستخدمها المحترفين.
حجر طبيعي
[ندعوك للتسجيل في المنتدى أو التعريف بنفسك لمعاينة هذه الصورة]

وده برضه بيستخدم للتنعيم..
حجر صناعي
[ندعوك للتسجيل في المنتدى أو التعريف بنفسك لمعاينة هذه الصورة]

وده شكل تاني وموجود عند الصيدليات..


فيه كمان شوية حاجات تانية زي:

1. وعاء تحطّي فيه مية سخنة لإيديك ورجليكِ.

2. فوطة للتنشيف.
3. كريم تقشير.. ممكن تستخدمي نفس النوع اللي بتستخدميه لبشرتك.
4. صابون استحمام سائل، ولو ما فيش يبقى شامبو.
نبدأ بالباديكير

[ندعوك للتسجيل في المنتدى أو التعريف بنفسك لمعاينة هذه الصورة]


1. هتجيبي الوعاء وتمليه مية سخنة على قد ما تستحملي، وتضيفي شوية سائل الاستحمام أو الشامبو، وبعدين تنقعي رجليكِ حوالي من 1/3 لـ1/2 ساعة أو لغاية ما تحسي إنها باشت.
2. تبدئي تشيلي الجلد الميت سواء بالمبشرة أو الموس أو الحجر.
3. دلوقتي بقى نشفي قدميك وقصي الأظافر وابرديها.
4. ضيفي بقى كريم التقشير وافركي رجليكِ بيه كويس.
5. اغسلي رجليكِ بالمية ونشفيها، وحطي كريم مرطب على قدميك وسيبيه لغاية ما يجف.
ودلوقتي المانيكير

[ندعوك للتسجيل في المنتدى أو التعريف بنفسك لمعاينة هذه الصورة]


ناس كتير فاكرة إن المانيكير هو وضع المانيكير، في حين إن معناه هو الاهتمام بالإيدين وهنبدأ دلوقتي.
1. برضه هتجيبي الوعاء وتمليه مية سخنة على قد ما تستحملي وتضيفي شوية سائل الاستحمام أو الشامبو، وبعدين تنقعي إيديك حوالي من 1/3 لـ1/2 ساعة.
2. نشفي إيديك ورجعي الجلد لورا بعود البرتقال، وبعدين قصي الأظافر، ابدئي بالمنتصف ثم الجانبين. وبعدين ابردي الأظافر.
3. وزّعي الكريم الخاص بالتقشير، وافركي إيديك كويس.
4. اغسلي إيديك بالمية ونشفيها، وبعدين حطي الكريم المرطب.
طلاء الأظافر

[ندعوك للتسجيل في المنتدى أو التعريف بنفسك لمعاينة هذه الصورة]

لازم تستخدمي لون مناسب للون بشرة إيديك

1. هاتي اللون اللي إنت عاوزاه.

2. هاتي طلاء أظافر شفاف. واعملي بيه أول طبقة.

3. ابدئي بدهن خط من منتصف الظافر للأعلى.

4. ادهني كل جانب على حده ويجب أن يطلى الظفر بكامله من ثلاث ضربات للفرشة بس.

5. لو حبيت يطلع اللون تقيل حطي طبقة ثانية وانتظري دقيقة أو أكتر لغاية ما تجف الطبقة الأولى تماماً.

6. لو هتطلي أظافر رجليكِ كمان لازم تستعملي السيبراتور ده علشان الحكاية ماتتلحوسش.


لو عاوزة تحافظي على الطلاء لفترة أطول، بعد مرور خمس دقائق على وضع الطلاء، ضعي صوابعك ثواني معدودة في المية الباردة؛ لأن ده بيساعد على تثبيت الطلاء لفترة أطول وبيخليه أكثر لمعاناً.
وبكده يكون خلصنا طرق عمل المانيكير والباديكير في البيت...




---------------------------




[ندعوك للتسجيل في المنتدى أو التعريف بنفسك لمعاينة هذه الصورة]
avatar
دموع الورد
المشرف العام
المشرف العام

انثى
المشاركات : 430
العمر : 26
الدولة : Syria
رقم العضويه : 688
الرتبة : Queeeen Elsite

التقييمات : 10
تاريخ التسجيل : 07/02/2009

رد: مانيكير وباديكير في البيت

مُساهمة من طرف دموع الورد في الأحد 9 أغسطس - 15:02

شكراً كتير تيتو على الموضوع الحلو [ندعوك للتسجيل في المنتدى أو التعريف بنفسك لمعاينة هذا الرابط]




---------------------------




[ندعوك للتسجيل في المنتدى أو التعريف بنفسك لمعاينة هذه الصورة]
avatar
Tito
مشرف
مشرف

ذكر
المشاركات : 1793
العمر : 27
الدولة : لا يوجد
رقم العضويه : 172
الرتبة : مش عارف
التقييمات : 7
تاريخ التسجيل : 29/08/2007

رد: مانيكير وباديكير في البيت

مُساهمة من طرف Tito في الإثنين 10 أغسطس - 2:52

thnx ya dmo3 3al el maror
:sm157:




---------------------------




[ندعوك للتسجيل في المنتدى أو التعريف بنفسك لمعاينة هذه الصورة]

    الوقت/التاريخ الآن هو السبت 16 ديسمبر - 13:04