TamerHosny Fans Club

اهلا بكم فى منتديات ورابطة عشاق الفنان تامر حسنى انت الان زائر ولا تتمكن من اضافة مسهامات او مواضيع جديده او الاتطلاع على بعض المواضيع قم الان بتسجيل الدخول او التسجيل اذا كنت لا تملك عضويه فى المنتدى نتمنى لكم قضاء وقت ممتع فى المنتدى والاستمتاع به (اذا كنت تريد اضافة اى تعديلات او اضافات للمنتدى اتصل بنا عن طريق فريق ادارة المنتدى )
TamerHosny Fans Club

tamerhosny,tamerlovers,tamerhosnyfansclub


اذاى تبقى رخم اخر حاجة

شاطر
avatar
الشابي
Admin
Admin

ذكر
المشاركات : 1363
العمر : 26
الدولة : لو لم اكن مصريا لودت ان اكون هنديا
رقم العضويه : 240
الرتبة : ادارة عامة
التقييمات : 1
تاريخ التسجيل : 09/10/2007

اذاى تبقى رخم اخر حاجة

مُساهمة من طرف الشابي في الثلاثاء 24 مارس - 18:16

اول حاجة
انت مثلا مسافرسفر طويل باتوبيس يعنى حوالى 8 او9 ساعات فى الطريق طبعا هيبقى الكل على اخرة
ودى فرصتك يامعلم عشان تزهق فى خلق الله
اول متروح تحجز وتخلص حجز روح بدرى اول واحد وحط شنطتك اول شنطة فى شنطة الاتوبيس دخلها جوة اوى عشان كل الى يجى يحط فوقها وتستخبى وانزل بدرى شوية قبل ما الاتوبيس يقف والناس تنزل
انزل قلب فى الشنط وطلعها برة ووقعها وافردها فى الشارع وتوه الشنط فى بعض بحجة انك بتجيب شنطتك مهى اول شنطة من جوة هتلاقيها بعيد اوى هتلاقى كل الناس بتجرى فى الشارع تدور على شنطها

تانى حاجة وانت بتحجز خلى كرسيك جمب الشباك
ادخل انت الاول ومتقعدش فى الكرسى الى انت حاجزة لا اقعد فى الى جمبة طبعا الراجل الى جمبك فى الكرسى هايجى هيلاقى الكرسى الى جمب الشباك فاضى هايتبسط اوى هيدخل يقعد فية جرى خلية يقعد سيبة متكلموش
سيبة ساعة واتنين لحد مايكيف على المكان ويسلام لو كان نام وفى عز نومة ازغدة فى قلبة وقولة دا مكانى ياعم
هيزعق ويقول انا قعدت فية الاول طلع التذكرة وحطها فى عينة او انده للسواق او وقف الاتوبيس واعمل خناقة لحد ماتقعد مكانك

تالت حاجة قعدت مكانك وظبطت نفسك ياعم طبعا الراجل الى جمبك دا مش طايق يبص فى خلقتك خليك مبتسم دايما ومبسوط فى وشة عشان يتغاظ اكتر واديلة رست شوية
ادير على الى قدامك شوية افرد رجلك من تحت الكرسى وخبط فى رجلية كل شوية وان اكلم قولة اعملك اية رجلى طويلة ابقى احجزلك كرسيين ورا بعض ويسلام لو حاطط اكل تحت الكرسى اخبطة ووقعة فى الارض

وكدة يبقى خلصت على الى قدامك ارجع للى جمبك تانى
اول مينام ويريح نفسة صحية وقولة عدينى اروح الحمام لو سمحت هيقوم متغاظ طبعا وانت بتعدى حط ايدك على وشة
دخلت الحمام وخلصت وانت خارج لاقيت واحد مستنى يدخل الحمام دى فرصتك يبقى فية ضحية تالتة
قولة سورى نسيت حاجة وادخل تانى واقعد جوة ساعتين لحد مايولع فى نفسة برة طبعا مفيش غير حمام واحد
واما تخرج لو لاقيتة لسة مستنى قولة على فكرة المية قطعة وسيبة وامشى

كدة يبق انت كفرت كل الى فى الاتوبيس تقولى ياعم انت مزهقتش غير تلاتة هقولك لا
بطريقة الشنط زهقت شوية وانت فى الحمام الراجل الى برة دة مش هيبطل يعطر الاتوبيس بروائحة المكمونة داخلة على ما سعادتك تخرج

واتمنى ليكم رحلة خنيقة هههههههههههههههههههههه دى اول مرحلة فى الاتوبيس


تانى حاجة فى الحياة العملية اللولبية الغربية منها والمنوفية

ادخل اى محل جزم ويسلام لو كان فية زباين اقعد استنى لحد مازبون يقلع جزمتة عشان يقيس
تقوم سادد منخيرك وتمسك بطنك وتقول اووووووووووووف وتعمل اكنك عايز ترجع وتقول لصاحب المحل ماترش معطر ياعم اية الريحة دى هتلاقى الراجل الى بيقيس الجزمة وشة بقى زى الطمطماية



تالت حاجة

ادخل محل ملابس وبردة يكون جوة زباين اقعد لحد ما واحد يقيس وهوا خارج اضحك وهقهق اوى ويسلام لو وقعت على الارض من الضحك وبصلة من فوق لتحت خلية يشك انة مسخرة هتلاقية عملها على روحه

رابع حاجة

ادخل اى محل واستنى اعمل اى حاجة لحد ما بنات يدخلوا طبعا صاحب المحل هيخلصلك الاول عشان انت جى الاول قولة لا خلص المزمزيل الاول هتقولك شكرا والراجل هيقوك اوك اول مايبدا معاها زعق اوى وقولة اية ياعم مش انا جى الاول ولا هيا كوسة ولا عشان بنت يعنى سبحان الله يجدعان نموت نفسينا يعنى عشان رجالة وسيبة وامشى قبل مايكلم ولا كلمة



رابع حاجة

شوف واحد ماشى فى الشارع وعدى من جمبة وامسك منخيرك وقول يخرب بيت الاكل فى الشارع وبصلة شوية بقرف وامشى فى حالك

خامس حاجة

شوف اى حمامات عامة رجالى و حريمي والبس نضارة شمس واعمل اعمى اعمى وادخل حمامات الستات
هتلاقى صويت وضرب بس اعمل فيها عبدة العبيط



سادس حاجة

شوف شلة بنات ماشية فى الشارع وعدى وقول لصحبك ياااااه هوا لسة فية بنات بتحط جاز فى شعرهم

سابع حاجة

وسخ جزمتك اوى اوى وادخل اى محل نضيف وسيراميك واقعد اجرى فية ودور على اى حاجة طبعا هيتحرجوا يكلموك بس هما اصلا ميتين من الغيظ

تامن حاجة

اى حد يقلك السلام عليكم متردش علية وبصلة بقرف



تاسع حاجة

لو متغاظ من مشرف فى المنتدى
عاملة كانة بنت يعنى ترد علية كانة بنت مثال شكرا
ليكى
انا بحيكى على الموضوع دة
تحياتى ليكى
وهوا يقولك انا ولد متعبروش بس لو اتنرفز ابقى خف لاحسن تتوقف
والطريقة دى تمشى على المشرفات البنات بردة عملوهم كانهم رجالة



عاشر حاجة

نصيحة يابنى او يابنتى من اخ اوعى فى يوم من الايام تشد السيفون بعد ماتخلص حمامك
فى اى حمام من حمامات الارض فى اى مكان وفى اى زمان
تاكد ان الى هيدخل بعدك هيكره عيشتة ويكره اليوم الى شاف خلقتك فية



ياشباب دول عشر نصايح ليكو ياريت تقوموا بيهم بجد
انا مش عايز حد يبقى مش مخنوق وزهقان اعملوا اى حاجة تزهقوا الناس بيها يعنى لو حد لابس طقم جديد اوى ومبسوط بية وماشى يتغندر متسيبوش
هات حتة طينة من على الارض او طوبة وافقعة فى ضهرة وسخلة هدومة اعمل اهبل واشتم فى اى حد وقول يخرب بيوت العيال الصغيرة دى يعنى التخنيق سهل جدا بس لو نخلص احنا بس

يارب اكون رخمت عليكم بقدر المستطاع



وفى انتظار رخمتكم جميعا هههههههههه منقولة علشان تبقوا رخمين اوى اوى هههههههه




---------------------------




[ندعوك للتسجيل في المنتدى أو التعريف بنفسك لمعاينة هذه الصورة]

[b:fa51]No Woman No Cry[/b:fa51]
avatar
!I DONT CARE!
عضو فعال
عضو فعال

انثى
المشاركات : 1862
العمر : 24
الدولة : in the dark
رقم العضويه : 413
الرتبة : الاعضاء المميزين
التقييمات : 14
تاريخ التسجيل : 10/01/2008

رد: اذاى تبقى رخم اخر حاجة

مُساهمة من طرف !I DONT CARE! في الأربعاء 25 مارس - 21:11

هههههههههههههههه
جامده اخر حاجه ياشابى
وشكرا على النصائح الاخويه ديه




---------------------------




[ندعوك للتسجيل في المنتدى أو التعريف بنفسك لمعاينة هذه الصورة]
avatar
H..7
Admin
Admin

ذكر
المشاركات : 994
الدولة : الاهلى
رقم العضويه : 7
الرتبة : اهلاوى فوق الجميع
التقييمات : 11
تاريخ التسجيل : 22/06/2007

رد: اذاى تبقى رخم اخر حاجة

مُساهمة من طرف H..7 في الخميس 26 مارس - 12:48

ايه يا ابو قاسم انت بتسافر كتير انا خايف على الركاب انا باشا في الحاجات ده




---------------------------




[ندعوك للتسجيل في المنتدى أو التعريف بنفسك لمعاينة هذه الصورة]
بحبك حب مش عادى بغيرك قلبي مش راضي.....كفايه تكون هنا قصادى ده انا بفرح و انا وياك .....
avatar
الشابي
Admin
Admin

ذكر
المشاركات : 1363
العمر : 26
الدولة : لو لم اكن مصريا لودت ان اكون هنديا
رقم العضويه : 240
الرتبة : ادارة عامة
التقييمات : 1
تاريخ التسجيل : 09/10/2007

رد: اذاى تبقى رخم اخر حاجة

مُساهمة من طرف الشابي في الخميس 26 مارس - 22:31

ههههههههههههههه
لا وتصور بقى انى فعلن بعمل معظم الحجات دى فى السفر
ومع مييييييييييييييييييييييييين
مع المنايفة
دا صحابى بيضحكو ضحك
احلى اشتغالات والله

شكرا على المرور يا شباب




---------------------------




[ندعوك للتسجيل في المنتدى أو التعريف بنفسك لمعاينة هذه الصورة]

[b:fa51]No Woman No Cry[/b:fa51]
avatar
Tito
مشرف
مشرف

ذكر
المشاركات : 1793
العمر : 27
الدولة : لا يوجد
رقم العضويه : 172
الرتبة : مش عارف
التقييمات : 7
تاريخ التسجيل : 29/08/2007

رد: اذاى تبقى رخم اخر حاجة

مُساهمة من طرف Tito في الأحد 17 مايو - 12:37

جامدة اوىىىى يا شابى بس تخيل تعمل كدة وانت مسافر مع واحد صعيدى




---------------------------




[ندعوك للتسجيل في المنتدى أو التعريف بنفسك لمعاينة هذه الصورة]

    الوقت/التاريخ الآن هو السبت 25 نوفمبر - 5:46